Марија со години работеше во клубот Пулс, тука и згасна нејзиниот живот – најблиските се збогуваат од неа

Големата трагедија што се случи во Кочани го зави во црно овој град, па и цела Македонија, а потресен е и регионот.

Бројни новинарски екипи од соседството, но и од целиот свет се присутни на лице место и известуваат за големата несреќа и последиците од неа, но и за младите жртви што настрадаа во страшниот пожар што се случи ноќта помеѓу 15 и 16 март.

Една од нив, како што објавија и медиумите од соседството, е и убавата Марија Шопова која со години работеше во ноќниот клуб „Пулс“.

Таа најверојатно кобната вечер била на работа во дискотеката, а по несреќата нејзините родители неуморно ја бараа.

На социјалните мрежи нејзините другарки со голема болка се збогуваат од неа, а некои споделуваат заеднички црно-бели фотографии.

Под секоја од овие објави има бројни тажни коментари на кои најмногу оние што ја познаваа изразуваат сочувство до семејството.

Истата тажна глетка е и на профилите на многу други млади лица чии животи прерано згаснаа кобната ноќ во Кочани.

Нивните пријатели со голема болка се збогуваат од нив, а се шират и тажни снимки на ТикТок во нивно сеќавање.

Потсетуваме, во страшната несреќа што се случи во дискотеката „Пулс“ во Кочани настрадаа најмалку 59 жртви.

Несреќата се случи откако прскалките кои биле користени како светлечки ефекти на концертот на ДНК, го запалија таванот на клубот, по што пожарот брзо се прошири и го зафати целиот простор.

Во моментот на несреќата во клубот имало преку 500 лица, а во просторот немало врата за итни случаи и пожари, така што многумина не успеале на време да го напуштат просторот и настрадале од огнот и чадот.

epp

@in7.tv0

#Koçan #Diskoteka #MaqedoniaVeriut #Pacient #Shëndetësia

♬ Twenty One Pilots Hometown Slowed Sad Part – Half Angel Half Devil

По несреќата покрај големиот број загинати во болниците во Штип, Кочани и Скопје се пренесени преку 150 лица, а потоа голем број од нив се префрлени во болниците во соседните земји.