На Владимир во текот на ноќта му се влошила состојбата – Панчо те молам, не се предавај, напиша Ребека

Владимир Блажев, познат како Панчо од „ДНК“, е во критична состојба, вели неговата пријателка и колешка Ребека Јанковска-Ристевски.

Познатиот музичар е пренесен во Систина каде во текот на вчерашниот ден му беше стабилна состојбата, но во текот на ноќта се влошила.

Пејачката Ребека Јанковска-Ристевски се огласи на Инстаграм и апелираше до сите да се молиме за повредените во трагедијата.

Таа исто така соопшти дека Панчо е на апарати и дека состојбата му се влошила, иако докторите прават се за да го спасат.

Инстаграм

„Панчо мил, те молам не се предавај! Владимир е во Систина префрлен. Состојбата му е влошена, трахаета е оштетена. Вдиша многу топол дим. На апарати е“, напиша Ребека и замоли сите да се помолат за музичарот.

Марpкетинг

Инстаграм

Потсетуваме, групата ДНК настапуваше во дискотеката „Пулс“ во моментот кога се случи страшниот пожар и однесе 59 животи.

Седум членови од бендот се починати, а меѓу нив и Андреј Ѓорѓиески, вокалот на ДНК чие тело вчера беше идентификувано.

Инстаграм

На снимките што кружат на социјалните мрежи се гледа како гостите се веселат, додека покрај бината горат прскалките.

Инстаграм

Искрите што тие ги фрлаат во еден момент стигаат до плафонот и тој почнува да гори, по што настанува страшниот пожар.

Инстаграм

Моментот кога се запали кровот во клубот

Гостите и вработените во паника се обидуваат да го изгаснат огнот, додека другите се обидуваат да го напуштат клубот.

Принтскрин/ Јутуб

Но во кобниот момент имало само една врата, така што многумина не успеале да стигнат до излезот и настрадале.

Најмалата жртва има само 14 години, а меѓу повредените се најмалку 150 лица кои најпрво беа префрлени во болниците во Кочани, Штип и Скопје, а потоа беа транспортирани во болниците во околните земји, Турција, Србија, Грција и Бугарија.

Повеќе информации наскоро…