Овие лекови никако не смеат да се земаат заедно – последиците може да бидат фатални!

Откако медицинската сестра Клои Бурџес ненадејно почина од срцев удар предизвикан од кобна комбинација на лекови, во Велика Британија беше упатен апел до лекарите и фармацевтите да посветат многу повеќе внимание на опасните комбинации на медикаменти.

Инаку, Клои од 2019 година земала два антидепресиви, а проблемите започнале кога ѝ бил препишан лек за регулирање на неправилен срцев ритам.

За трагедијата да биде уште поголема, Клои и денес ќе беше жива доколку постоеше поголема одговорност кај лекарите, кои не ја предупредиле за можните несакани ефекти, како и за фактот дека одредени лекови никако не смеат да се комбинираат.

Наодите од патологот покажале дека првиот антидепресив (ТЦА) може да предизвика сериозни кардиоваскуларни проблеми и дека срцевите болни треба да го избегнуваат. Вториот антидепресив (ССРИ) пак, исто така може да доведе до неправилни отчукувања на срцето.

Утврдено е дека овие два антидепресиви, во смртоносна комбинација со лекот за синусна тахикардија што ѝ бил препишан на Клои, драстично го зголемиле нивото на ТЦА во крвта. Ова прво довело до апнеја – проблеми со дишењето за време на спиење, а потоа до срцева аритмија, која на крајот завршила со ненадеен срцев удар.

Колку е сериозна ситуацијата покажува и фактот дека сите британски здравствени институции биле алармирани. Целта на овој апел е да се подобри комуникацијата меѓу медицинските работници и повеќе да се зборува за потенцијалните негативни ефекти од комбинацијата на одредени лекови.

Ова особено се однесува на еден од најчесто користените лекови – ибупрофен, кој никако „не се согласува“ со ТЦА антидепресивите.

За жал, случајот на Клои Бурџес не е единствен. Имено, жена по име Тами Милвард исто така починала поради фатална комбинација на лекови. Таа фактички починала од труење со лекови, пренесува „Дејли мејл“..