Сите зборуваат за убавата внука на Трамп, омилена меѓу внуците, но која е Каи – смени два фустана на инаугурацискиот бал (фото)
17-годишната внука на Трамп го привлече вниманието. Се вели дека Каи е најомилената од 10-те внуци на Доналд Трамп. Девојката е љубител на голф и води прилично приватен живот.
Најстарата внука на 47-от американски претседател Доналд Трамп, 17-годишната Каи Медисон Трамп, расте во вистинска убавица но и млада дама која има истенчен вкус за модата.
И покрај нејзиниот релативно приватен живот, таа покажа два гламурозни погледи на инаугуративниот бал на слободата, кој се одржа откако нејзиниот дедо положи заклетва. И Каи ги покажа своите модни избори на социјалните мрежи Х и на Инстаграм, каде има вкупно околу два милиони следбеници.
Првиот фустан во нијанса на шампањ и со светки е на дизајнерката Шери Хил. Вниманието паѓа на деталите – везовите со мониста, длабоко деколте, пресечен преден дел, корсетирано елече, преден шлиц до бутовите и лелеаво здолниште. Каи го комплетираше изгледот со високи потпетици украсени со кристали, нежно ланче со привезок од срце, соодветни обетки и стилизиран часовник.
Inaugural ball dance ready✨ pic.twitter.com/lUzV0P1NaS
— Kai Trump (@kaitrump) January 21, 2025
Маркетинг
Таа потоа се пресоблече во фустан од истата дизајнерка. Овојпат тоа беше темносина креација без прерамки, украсена со светки, со длабоко деколте и шлиц напред. Девојката го искомбинира фустанот со чевли со ремени и бела чантичка.
Која е Каи Медисон Трамп?
Каи е најстарата ќерка на Доналд Трамп Помладиот и неговата поранешна сопруга Ванеса Хејдон. Таа има и сестра Клои и тројца браќа Доналд, Тристан и Спенсер.
Иако Доналд Трамп има 10 внуци, Каи важи за негова омилена. Како и нејзиниот дедо, така и девојката е луда по голф и често го играат на имотот на републиканецот во Мар-а-Лаго, каде што има идеални терени за голф.
На социјалните мрежи таа често споделува фотографии со својот дедо и покажува како учи да игра голф од него. Вели дека сонува да стане професионален играч на голф.
I love this game 💕 pic.twitter.com/K379O5xJMH
— Kai Trump (@kaitrump) December 20, 2024
Кога Трамп првпат победи, Каи го поддржа на инаугурацијата, а за време на неговата кампања во 2024 година, таа дури и одржа говор на Националната конвенција на Републиканците.
Каи рече дека Доналд Трамп е „многу сакан дедо“ кој ги обожава своите внуци и е заинтересиран за нивните успеси.
Sundays with Grandpa 💛 pic.twitter.com/UfKdu0RJI7
— Kai Trump (@kaitrump) November 10, 2024
Девојката сака и убави автомобили. На социјалните мрежи го покажа својот Tesla Cybertruck.
Таа е пријателка со Илон Маск, кој практично е десна рака на нејзиниот дедо.
