Покрај овие муциња никогаш нема да ви биде досадно – ВДОМЕТЕ ЕДНО ОД НИВ, ќе ви го разубави животот
Овие мали исплашени очиња бараат некој да се грижи за нив – ајде да им дадеме шанса за убав живот каков што заслужуваат!
Ајде да бидеме хумани и да помогнеме овие мали кученца да си најдат топол дом и добро семејство кое ќе се грижи за нив…
Улиците се темни и ладни и полни со опасности, особено ако си мало кученце. Целата работа е уште полоша кога ништо не можеш да направиш сам за да се спасиш. Зависиш од добрината на луѓето кои ќе решат да ти помогнат. Затоа, наместо да ги оставиме да живеат сами на улица каде може сé да им се случи во секој момент, ајде да се обидеме сите заедно да ги вдомиме овие мали немоќни муциња, кои не можат ништо друго да направат освен да внесат радост во нечиј дом.
Доколку некое од нив веднаш ви се допадна, или познавате некој на кого му фали едно вакво пријателче, слободно обратете ни се, или барем споделете го текстот за да можат да го видат луѓе кои би можеле да помогнат кученцата полесно да си најдат дом.
Пријателче засекогаш
Сите кои имаат домашни миленици многу добро знаат колку тие внесуваат среќа во животот на секое семејство. Со малите очиња што (постојано) бараат храна, опавчињата што не престануваат да вртат и шепичките што ве поздравуваат никогаш нема да ви биде досадно, и веднаш ќе го заборавите напорниот ден кога ќе ве пречекаат дома радосни и весели, како да не ве виделе 100 години. Е сега да, некогаш знаат да бидат палави, и да направат некоја беља, ама сето тоа е дел од нивниот неодолив шарм!
Пријателче засекогаш
И кога ќе се поврзете со вашиот миленик, исто како со дете или пријател, тоа ќе биде засекогаш.
Пријателче засекогаш
Весела екипа
Оваа весела екипа од 2 братчиња и 1 сестричка за жал во последен момент се спасени од смрт и не им се пишува добро во животот, иако тие не се свесни за тоа. Тие се весели, разиграни и умни и поседуваат неверојатна способност да ви го разубават денот! Кученцата се мешанчиња и ќе бидат мал раст.
Пријателче засекогаш
Вакцинирани се со две вакцини и прочистени од паразити, здрави и прави, апетитот добро ги служи. Сѐ што им треба сега е топол дом и семејство кое најмногу ќе ги сака и ќе се грижи за нив.
Пријателче засекогаш
Доколку би сакале да вдомите едно од овие две братчиња или сестричката слободно јавете се на телефонскиот број 071 227 229. Останатите – ве молиме споделете ја објавата, па сите заедно да помогнеме во вдомувањето…
Пријателче засекогаш
Па, ајде заедно да им го разубавиме животот – овие мали очиња заслужуваат некој да се грижи за нив!
Пријателче засекогаш
Пријателче засекогаш
Пријателче засекогаш
Пријателче засекогаш
Пријателче засекогаш
Пријателче засекогаш
