Вечерва голем предновогодишен концерт со најголемите македонски ѕвезди – Игор, Каролина, Пајак, Тони Зен, Лара, журката е во Аеродром
Вечерва, 21 декември, Џевахир Мол Скопје го организира третото издание на „Аеродром пулсира“, овојпат како голем предновогодишен концерт што ќе се одржи на веќе препознатливиот простор пред трговскиот центар.
Со почеток од 18 часот па сè до 22 часот, на сцената пред Џевахир Мол Скопје ќе се појават едни од најзвучните имиња на македонската музичка сцена.
Прв настапува најпопуларниот шоумен, актер и докажан блузер Игор Џамбазов, придружуван од Гуру Харе Бенд. Потоа следува настапот на раперот Тони Зен кој ќе се претстави со дел од своите најголеми хитови, а веднаш по него сцената ќе им припадне на милениците на помладата публика, Пајак и Лара. Последниот дел од предновогодишниот концерт „Аеродром пулсира 3“ е резервиран за музичкиот репертоар на најголемата македонска поп ѕвезда Каролина Гочева.
Влезот е бесплатен.
Со третото, предновогодишно издание на „Аеродром пулсира“, Џевахир Мол Скопје свечено ја заокружува 2024 година, која е особено значајна за компанијата бидејќи токму оваа година, во март, трговскиот центар официјално започна со работа.
Оттогаш, овој импозантен објект кој е дом на најголемиот мурал во Југоисточна Европа, веќе стана препознатливо обележје и симбол на Аеродром и Скопје. Освен големиот настан „Аеродром пулсира“ на чии изданија досега продефилираа повеќе ѕвезди од музичката сцена, Џевахир Мол Скопје продолжува да биде важно место за заедницата и централна точка за одржување на различни случувања наменети за сите генерации.
