Каролина Гочева и Наум Петрески за Нова година ќе настапат на плоштадот во Охрид – еве што ќе се случува за празниците во овој град
Охриѓани и оние кои планираат празничните денови за дочекот на Нова година да ги поминат во Охрид, ќе можат да се забавуваат со неколку организирани концерти и настапи на наши познати изведувачи.
На 30-ти декември на Градскиот плоштад „Свети Климент Охридски“ во 20 часот публиката ќе може да го проследи стендап шоуто 2 Mothers Brothers на Никола Тодороски и Стрезо Стаматоски.
На 31-ви декември на Градскиот плоштад „Свети Климент Охридски“ во пресрет на дочекот на Новата 2025 година, охриѓани и туристите ќе може да уживаат во настапот на поп-ѕвездата Каролина Гочева, македонската фолк ѕвезда Наум Петрески, миленикот на младата публика Пајак и охридската група Take 5, DJ Gec и DJ Face.
На 1-ви јануари на Градскиот плоштад „Свети Климент Охридски“ ќе има дневна забава за која ќе се погрижат уникатната Сара Мејс и групата „Балканикос Бенд“.
Инаку, на 30 декември во охридскиот Хангар клуб ќе настапи Теа Таировиќ, а билетите се во продажба по цена од 1500 денари. На 31 декември ќе настапи Puzzle DJ Crew, а на 1 јануари – Џани и Либеро бенд.
