Сузана Спасовска со молитвена песна за Свети Никола – „среќна слава домаќини“ (видео)

Фолк дивата Сузана Спасовска им го честита големиот христијански празник Свети Никола на сите оние што вечерва и особено утре го прославуваат, на денот на Свети Николак Чудотворец.

Тропарот (кратка молитвена песна) на Свети Никола, таа го изведува со Црковен клирос Пелагонитиса, а видеото е излезено оваа година.

„Среќна слава домаќини, Свети Николај Чудотворец, архиепископ Мирликиски, и честити имендени на сите кои го носат неговото име! Свети Никола, се смета за еден од најголемите и најпочитувани светци во православната црква, и се верува дека ги заштитувал луѓето од секакви неприлики и им помагал на сиромашните, но најмногу е запаметен како господар на водите, на морињата, на корабите, и патниците што патуваат по вода. Нека е за многу години!“ – напиша Спасовска на социјалната мрежа Фејсбук.

Уживајте во ангелскиот глас на Сузана.