Сите сакаат компири, храна која е дел од многу јадења и често е прилог во кујната. Од него се прават салати, супи и мусака, но многумина сепак грешат кога ја подготвуваат. Еве ги трите најчести грешки при готвењето на компирите.
Излупете го сировиот компир
Многумина ги лупат компирите пред да ги стават во тенџерето за готвење. Сепак, најдобро е да се готви со кора бидејќи полесно ќе се отстрани, а експертите тврдат дека има подобар вкус.
Го готвите во зовриена вода
Како и кај повеќето зеленчуци, луѓето чекаат додека водата не зоврие пред да ги стават компирите, но ова е голема грешка бидејќи тогаш е поголема веројатноста внатрешноста да остане сирова. Најдобрата опција е компирот да се стави во ладна вода, а кога ќе зоврие намалете го огнот и варете го до 20 минути.
Проверувате со вилушка дали е сварен
Многумина вилушката ја користат за да проверат дали компирот е сварен, односно доволно мек. Но, тогаш почнува да се распаѓа во водата, што не е многу привлечно.
Треба да знаете дека минималното време за готвење компири е 10 минути. Ќе ви требаат пет минути подолго за да се сварат помалите компири, а 20 за поголемите кои ќе ги користите во салата или за подготовка на пире од компири.
