Кое е девојчето од Македонија што освои Гран-при на престижниот музички фестивал во Белград?
14-годишната Тамара го посетува музичкото училиште на Андријана Јаневска каде што се подготвува за натпревари, но и за своите нови проекти
Уште еден голем успех за девојчето со ангелски глас
На еден од најдобрите меѓународни детски фестивали во регионот Angel Voie кој се одржа во Белград од 6 до 10 мај, наградата „Гран -при“ ја однесе младата Македонка.
Станува збор за гостиварскиот „златен глас “, Тамара Грујеска, која со својот беспрекорен глас го освојува регионот.
На оваа музичка манифестација учествуваа квалитетни изведувачи од повеќе европски земји, а Тамара покрај „Гран-при“ наградата беше прогласена и за победник во нејзината категорија „teen“.
Фото: Фејсбук
Оваа млада и талентирана пејачка од Македонија настапи со песните „I surrender“ од Селн Дион и нумерата „I See Red“ на „Everybody Loves An Outlaw“ и ги воодушеви сите со својата интерпретација и настап.
Фото: Фејсбук
Манифестацијата се одржа во театарот Академија 28 во елград, а Тамара покрај својот глас пленеше и со изгледот.
Фото: Фејсбук
Имено, за нејзиниот изглед се погрижи македонската дизајнерка Ива Спасовска така што Тамара блескаше како вистинска ѕвезда.
Фото: Фејсбук
Потсетуваме, „гостиварската дива“ минатата година ја претставуваше Македонија на Јуниор Евровизија во Ница.
Фото: Фејсбук
Таа тогаш настапи со песната „Кажи ми кажи ми кој“, дело на тандемот Роберт Билбилов и Дарко Димитров.