ТРАГЕДИЈА: Млада скопјанка почина од грип

Грипот ја зема седмата жртва во земјава. Дваесетгодишна девојка од Скопје почина од грип на Клиниката за инфективни болести.

Девојката била префрлена од Клиниката за хематологија каде што правела испитувања. По кратко боелдување и настантите компилакции таа ѝ подлегнала на болеста. Младата жена не била вакцинирана, а токму грипот е кобен за лугето со тешки или хронични заболувања, вели д-р. Злате Мехмедовиќ од Комисијата за заразни болести.

Од Комисијата за заразни болести препорачуваат во болниците да се носат маски.

Министерството за здравство годинава набави 60 илјади дози вакцини наменети за лицата од ризичните групи меѓу кои лицата над 60 години, бремените жени и лицата со коморбидитети и сите дози се потрошија.

Во досегашниот тек на сезоната на грип, се регистрирани шест починати лица асоцирани со грип, две од Скопје и по едно лице од Куманово, Неготино, Гостивар и Штип, во возрасната група над 65 години и од возрасната група на лица 15-64.