Скопјанецот Сашо пристигна до манастирот Острог – тргна пешки и помина 624 км за да стигне до целта

Скопјанецот Сашо Серафимовски направи голем подвиг

Тој помина 624 километри пешки за да стигне од Скопје до православниот манастир Острог кој се наоѓа во Црна Гора.

Серафимовски на пат кон Острог тргна на 5 август, а пристигна пред три дена, односно на 13 август.

Ова негово поклоничко патување траеше цели осум дена и дневно поминуваше речиси 80 километри за да стигне до манастирот.

Фото: Фејсбук/ Сашо Серафимовски

Воден од својата силна верба во Господ, тој успешно го заврши својот пат, а како што самиот пред тргнување откри на Фејсбук, ова му е 130-тото поклоничко патување, на кое стигна чекор по чекор.

Фото: Фејсбук/ Сашо Серафимовски

Откако пристигна тој им се поклони на моштите на Свети Василиј Острошки, а на својот Фејсбук профил објави:

„Целта е остварена. Здравје и спасение на сите што ми дадовте поддршка за ова мое патување“, напиша Сашо на фејсбук.

Фото: Фејсбук/ Сашо Серафимовски

Тој само еден ден претходно напиша:

„За сите оние кои со мене одат во Манастирот Острог на поклонување на моштите на Чудотворецот Св. Василие Острошки . Одиме со чисти мисли позитивно расположение и за добро здравје . Сите добри дела треба да се прават совршено и целосно, не делумно. Само уште малце …“

Фото: Фејсбук/ Сашо Серафимовски

Повеќе фотографии од ова патување на овој извонреден човек погледнете во продолжение