Херои на денот – пожарникари спасуваат 22 дечиња од градинка по поплавите што ја зафатија Словенија
„Ви благодарам момци, ова дете на фотографијата е мое“
Градинката е поплавена до половина, а водената стихија носи сé пред себе додека пожарникарите ги спасуваат децата
Доброволците пожарникари од градот Менгеш кој се наоѓа во централниот дел на Словенија, северно од Љубљана, објавија драматични фотографии на социјалните мрежи на кои се гледа како ги спасуваат децата од една градинка.
„Ги известуваме родителите дека успешно ги спасивме сите 22 деца во објектот Сончек“, пишува на социјалните мрежи.
Фото: Фејсбук/ ПГД Менгеш
Градинката е поплавена до половина, а големата водена стихија носи огромни дрвја и далекуводи на сите страни додека храбрите пожарникари ризикувајќи ги животите во рацете ги изнесуваат исплашените деца и ги носат на сигурно место.
Малите се облечени во пижами и покриени со ќебенца, и се држат цврсто за своите ангели чувари.
Фото: Фејсбук/ ПГД Менгеш
„Наклон до небото, Господ да ве благослови“, пишуваат граѓаните под нивната објава, а се огласи и еден татко:
„Ви благодарам момци, ја имате мојата длабока почит. Ова дете на фотографијата е мое, ви благодарам на помошта“.
Фото: Фејсбук/ ПГД Менгеш
Инаку, денес северниот дел од Словенија беше зафатен од големи поплави, а најмногу проблеми имаше во Корушката и Горењската област.
Фото: Фејсбук/ ПГД Менгеш
Во текот на денот како и во сабота се очекуваат изливања на реките и на истокот од земјата, пренесуваат словенските медиуми.
Фото: Фејсбук/ ПГД Менгеш
Предупредувања и во Хрватска
Државниот хидрометеоролошкиот завод на Хрватска издаде предупредување за опасност од невремето што надоаѓа.
Предупредуваат на можност на поплави на имот и сообраќајни мрежи, на прекин во снабдување со електрична енергија, прекин на комуникациите, како и на водоснабдувањето.
@rk19705 Danas 4.8.2023 – Slovenija 😢#foryou #fyp #foryoupage #fipシ #slovenia #slovenija #hrvatska #austria #österreich🇦🇹 #hrvatska #bosnien #bosnien #srbija #balkan #italia #katastrophe #bosniantiktok #bosna #bosnia #srbija #croatia #bosniaandherzegovina #serbia #bosna_i_hercegovina
„Опасни се условите за возење заради намалена видливост и лизгавост на мокрите патишта“, предупредува ДХМЗ.
@tojeslovenija
@hrvatska_radiotelevizija Najmanje tri osobe poginule su u snažnom olujnom nevremenu koje je pogodilo Sloveniju. #hrt #hrvatskaradiotelevizija #slovenija #oluja #poplave
