Студира тежок факултет, но сега пред неа е тежок избор – медицина или музика, прашање е сега (фото)

Победничката на 16-та сезона во „Ѕвездите на Гранд“ вчера ја подигна главната награда – автомобил „Фиат Типо“.

Наградата свечено и ја додели Саша Поповиќ кој и порача дека сега кога е се појави во Струмица, сите ќе знаат од каде и е автомобилот.

Победничката беше пресреќна, а за Гранд откри дека се уште е во шок и дека одвај чека да си дојде дома и малку да се прибере.

Многумина беа изненадени што победи токму таа, па дури и самата Славица која за ваков успех ни не сонувала.

„Мислам дека најслатко е кога не ја очекуваш победата. Не стигнав да прославам, навистина сум преморена“, истакна таа.

Нејзиниот ментор Ѓорѓе Давид исто така не го криеше воодушевувањето, но и големото изненадувањето што ја освоија титулата.

„Јас сега навистина би можел да заплачам буквално за сето она што го направив за ова дете“, изјави гордиот ментор.

Славица потоа за „Гранд.онлајн“ изјави дека најпрво ќе го повози својот ментор, па и своето семејство бидејќи тие и’ биле најголема поддршка за време на десетмесечната боба во „Ѕвездите на Гранд“.

Како изгледаше доделувањето на наградата погледнете во видеото…

Каков договор потпишуваат финалистите

Поповиќ пред новинарите зборуваше и за сето она што ги очекува сите финалисти што потпишале договор со Гранд.

Тој објасни дека сите финалисти потпишуваат договор и дека многумина се плашат од него, а всушност е направен само за оние кандидати кои можат да завршат некоја работа, односно да направат настапи во вредност од неколку илјади евра, како што тоа денес го прават многу ѕвезди коишто се натпреварувале во ова популарно шоу. „Ако можеме од некој да направиме ѕвезда и да успееме да заработиме многу пари за него и за себе и продукцијата, тогаш тој договор е активен, а ако не можеме, тогаш ги оставаме да работат како што тоа го правеле и досега“, изјави Саша Поповиќ пред новинарите.

Тој појасни дека продукцијата зима 30 отсто, а за нив остануваат 70.

„Но не можете на некој што пеел за сто евра, а сега пее за 400 да му земете 30 отсто. Тоа нема шанси! Но ако некого го подигнеме на неколку илјади тогаш тука се прават пресметки и на таквите кандидати им даваме песни, водиме сметка за нив. И тие договори навистина се активни. Но децата што пеат за неколку стотици евра , тоа се нивни пари и можат да го прават истото она како и пред да го потпишат договорот, а за возврат сите тие девет години имаат реклама и маркетинг“, објасни Поповиќ.

Нема намера да се откаже од студиите

Инаку, Славица покрај натпреварот во „Ѕвездите на Гранд“, паралелно ги полагаше и своите испити на медицинскиот факултет.

Таа е многу добра студентка и не ги запостави студиите за време на натпреварот, иако студира на еден од најтешките факултети.

Таа нема намера ни во иднина да ги запостави студиите, но секако дека нема да се откаже ни од својата кариера.

По победата во шоуто пред Славица сега ширум се отворени портите кон успехот, а таа знае дека само со работа и труд се постигнува она што се сака. Па како што самата вели, Едноставно потребно е да се работи.

„Само со многу работа, труд и учење од грешките, човек може да постигне успех“, изјави таа по победата сакајќи да ги охрабри сите млади кои во иднина сакаат да учествуваат, да се пријават во музичкото шоу.

Фото: Инстаграм/ Славица Ангелова

Фото: Инстаграм/ Славица Ангелова

Фото: Инстаграм/ Славица Ангелова

Фото: Инстаграм/ Славица Ангелова

Фото: Инстаграм/ Славица Ангелова

Фото: Инстаграм/ Славица Ангелова

Фото: Инстаграм/ Славица Ангелова