Малата Нина продава крофни за да собере пари за лекување за болниот татко – приказна што го воодушеви Балканот
Емотивна приказна за љубовта на ќерката кон својот татко што го воодушеви целиот регион
Зоран од Ваљево го изгуби својот вид откако се разболи, а неговата ќерка на сите им одржа лекција по хуманост.
Ова неверојатно девојче реши да ги земе работите во свои раце и да му помогне на својот татко да се излекува побрзо.
Нејзиниот татко, Зоран Нинковиќ од Ваљево заради аблација на мрежницата го изгубил видот пред седум години.
Во март 2022 кај него повторно се јавува аблација, па на Зоран ситуацијата дури и дополнително му се влошува и му е загрозен животот.
Тој се лекува на клиника каде редовно добива системска терапија ,хемотерапија и имуносупресивни капки.
По година дена од појавата на фибринот заради кој на Зоран му се мати видот му се јавува и изразена фотофобија, а неговата состојба постојано се следи од докторите заради високите дози на хемотерапија.
Од овие причини на Зоран му е потребна помош за да може да замине на лекување во Москва. Паричните средства се потребни и за понатамошна дијагностика, прегледи, анализи, набавка на лекови, лечење како во Србија, така и во странство, како и за патните трошоци и сместување.
Парите за него се собираат преку хуманитарна фондација, но сега и ќерката на Зоран реши да помогне колку што може.
Таа секој ден од 17 до 19 часот продава крофни пред една продавница во Нови Сад, за да помогне во собирањето на средства.
Како што пишува мајката на една Фејсбук група, девојчето продава домашни крофни кои можат да се достават и на домашна адреса.
„Драги мајки, мојата ќеркичка одлучи преку лето да заработи. Се наоѓа пред продавницата Матиќ, скоро секој ден од 17 до 19 часот. Крофните ќе ги доставиме и на адреса. На кој нема да му се допаднат, ќе му ги вратиме парите. А кој сака да помогне, а не сака крофнички, може со СМС порака за таткото на девојчето“, напиша мајката на оваа млада девојка од Ваљево.
Крофните се продаваат по симболична цена од 100 динари (околу 50 денари) што покажува колку е скромна оваа млада дама ако земеме во предив дека СМС пораката е дупло поскапа.
