Голема тага – почина момчето за чие лекување во Турција граѓаните собраа пари за само неколку дена
Кико боледуваше од ретка и тешка болест, Атаксија-телеангиектазија, која брзо прогресира и за кратко време доведува до сериозна состојба.
Почина Кристијан Коцев-Кико, момчето што изминативе неколку дена ја крена целата македонска јавност.
Малиот Кико требаше да замина итно на лекување во Турција, за што на неговото семејство имаше потреба од финансиски средства, кои што благодарение на хуманите луѓе од нашата земја, беа собрани за неколку дена.
Но за жал неговата здравствена состојба се влоши и покрај тоа што последните неколку дена се лекуваше во Систина.
Кристијан имаше ретка дијагноза Атаксија – телеангиектазија, која на крај беше посилна иако момчето се бореше како лав.
Трагичната вест на социјалните мрежи ја потврди и Стефан Лазаров кој цело време беше во контакт со родителите на Кико.
Благодарение на јутуберот Стефан и неговата хуманост, како и хуманоста на граѓаните за Кико за кратко време беа собрани пари.
Стефан пред само два дена соопшти дека состојбата на Кико му се подобрила, но и дека неговата ситуација се менува на секој час.
Откако беа собрани парите за лекување, тој разговарал со родителите на Кико и се чекаше ситуацијата да му се одобри и да замине за Турција.
Но за жал, Кико и покрај тоа што беше голем борец, не издржа.
