Никогаш нема да јаде банани повеќе: Купувач се шокирал кога го отворил ќеето со банани
Еден купувач се преплашил кога пронашол џиновски пајак-ловец во неговата торба со банани Tesco.
Крег Харисон (35) веќе излупил и изел една од бананите пред да го забележи женскиот пајак – и вреќата со јајца во која имало 200 негови бебиња.
Овој вид пајак е еден од најголемите во светот и може да има распон на нозете и до 15 сантиметри.
Харисон кој е ИТ работник од Виндзор, Беркшир, рекол дека бил во „шок“ кога го видел пајакот и дека од шокот паднал наназад бидејќи изгубил рамнотежа.
Тој бил запрепастен откако видел дека пајакот има и вреќа со јајца, во која може да се изведат и до 200 бебиња.
Купувачот сега бара компензација од супермаркетот Tesco, велејќи дека претходно не се плашел од пајаци, но по оваа средба тоа се променило.
Пајаците ги привлекуваат бананите и често се кријат во нив.
Нивното каснување не е смртоносно, но може да предизвика повраќање, главоболки и прерипување на срцето.
Од супермаркетот му испратиле извинување на Харисон и му понудиле 100 фунти како компензација, но тој вели дека сака повеќе.
Од супермаркетот изјавија за The Sun: „Имаме силни процеси за да ги спречиме пајаците да патуваат со нашето овошје, но во многу ретки прилики тие понекогаш можат да се прикрадат“.
