Како божица на љубовта – Органџиева со новите фотографии ги запали социјалните мрежи

Убавата скопјанка го прослави денот на вљубените во елегантен и префинет стил.

Таа е дама во буквална смисла на зборот, а сега уште еднаш го покажа тоа.

По повод „Валентајн“ или „Денот на вљубените“ Агнеса Органџиева направи фотосесија во која малку е да се каже дека изгледа како вистинска божица на љубовта.

Облечена во гламурозен, балски црвен фустан, совршена фризура и шминка, Агнеса позираше со цветен аранжман со црвени рози, а со бели рози е испишана првата буква од нејзиното име.

„Љубовта не изгледа со очи, туку со ум, и затоа крилестиот Купидон е насликан слеп“ – напиша таа на Инстаграм.

Гламурозниот фустан со цветни мотиви не остави никого рамнодушен, а нејзините фанови ја опсипаа со комплименти.

Таа секогаш знае да ги избере вистинските парчиња за себе, но и да ги комбинира на вистинскиот начин.

Впрочем тоа може да се види и од нејзиниот профил на Инстаграм каде редовно ги објавува своите модни комбинации.

И додека некои мислат дека модната инфлуенсерка Агнеса Органџиева има направен повеќе естетски корекции, таа во едно свое интервју откри дека е во најдобрите години и дека својот шарм го наследила од својата мајка.