Порасна синот на Панчо од „ДНК“: Еве како помина првиот ден во училиштето, но и што вели таткото за неговата сопруга

Први септември за многумина е важен ден и буди многу емоции, особено кога треба да испратите прваче на училиште.

Многу познати личности во Македонија се потсетија на своите први школски денови, но многу од нив ги испратија и своите деца на училиште после година ипол пауза и онлајн настава.

Еден од оние кои испрати прваче на училиште беше и Панчо од дуото „ДНК“.

Тој на социјалните мрежи објави и фотографии од својот син Маријан кој е прваче.

„Прваче. Нова страна од животот. Среќно синко“, напиша тој.

Инаку, Панчо долги години е во брак со сопругата Маја и е татко на Андреја и Марјан.

-За Маја можам да кажам дека се грижи перфектно за децата и имам само пофални зборови околу тоа, кажа Панчо во интервју за „Женски магазин“ и додаде дека за успешен брак е потребен взаемен труд.

-Тешко е многу. Тешко е и за едната страна и за другата. Потребно е многу разбирање, толеранција и доверба. Во секој случај жртвувањето е обострано во такви бракови, кажа Панчо зз споменатиот портал.

Македонскиот хип-хоп изведувач, Владимир Блажев или во јавноста познат како „Панчо ДНК“и покрај успешноста на дуото ДНК за време на панемијата реши да ја промени професијата и да почне да заработува

На социјалните мрежи сподели дека започнал да работи како пица-мајстор во еден скопски ресторан, па додаде дека од работа нема срам.

Секоја чест!