Италијанците победија на Евровизија, погледнете го нивниот настап – атpактивниот рокер ги освои срцата на цела Европа!

Италија победи на Евровизија

Нашиот претставник Васил Гарванлиев кој настапи на првата вечер не успеа да се пласира во финалето.

И како што беше и очекувано, барем според резултатите од обложувалниците, победата ја однесе Италија со 524 поени.

Трката беше напната, а на крајот се одлучуваше помеѓу Италија и Швајцарија која со гласовите од публиката заврши на третото место.

Манескин е италијански рок бенд од Рим кој е составен од вокалот Дамјано Давид, басистката Викторија де Анџелис, гитаристот Томас Раѓи и тапанарот Итан Торкио. Бендот се прослави откако заврши на второто место во 11 сезона на италијанското музичко шоу „X Factor 2017“.

Манескин со нивната песна „Zitti E Buoni“ освоија 524 поени, од кои 318 добија од публиката. На второто место завршија Французите, а на третото Швајцарците. По нив следува Исланд, па Украина, а претставничките од Србија завршија на 15 место, додека од публиката добија 82 поени.

„Не можеме се уште да поверуваме! Драго ни е што толку луѓе сакаат рок“, започнаа членовите на бендот Манескин на конференцијата за медиуми по победата во Ротердам откако го отворија шампањското и прославија.

„Победата ја посветуваме на семејствата, френдовите и фановите – порача, се уште во шок, главниот вокал Дамијано Давид.

Беше неверојатно како за само неколку месеци станаа фаворити, а по победата сите врати во музиката им се отворени.

Не се знаеше дали ќе учествуваат

На почетокот не се ни знаеше дали воопшто ќе учествуваат на Евровизија, бидејќи пандемијата ја сотре Италија.

Но тогаш потполно неочекувано скокнаа на првото место во обложувалниците, а потоа и ја однесоа победата иако националното стручно жири составено од 39 земји не им беше толку наклонето како што беа кон Швајцарија и Франција. Сепак, публиката го имаше „главниот збор“ и италијанските рокери се искачија на првото место.

Велика Британија настапот на Евровизија го заврши без ниту еден поен. Тие добија 0 поени како од жирито, така и од публиката.

Последната држава што се престави во финалето беше Сан Марино со песната „Adrenalina “. Тие завршија на 22 место.

Шведска ја претстави „ Tusse “ со песната „Voices“. Тој заврши на 14 место.

Домаќините на овогодишниот натпревар Холандија, завршија на 23 место, а ги престави Жангу Макрој со песната „Birth of a New Age“.

Норвешка ја претстави музичарот TIX со песната „Fallen Angel“ со која заврши на 18-тото место.

Пејачката Ефенди што го претстави Азербејџан со песната „Mata Hari“ го освои 20-тото место.

Франција ја претстави Барбара Прави со песната „Voilà“. Таа иако беше фаворитка за победа, на крајот завршија на второто место. Нејзината песна е една од ретките балади што се пласирале во финалето.

Инаку, Барбара по потекло е од Србија, а нејзиното презиме е Пјевиќ, додека уметничкото Прави го избрала во чест на својот дедо и српските корени. Нејзиниот дедо од мајчина страна е по потекло од Ирак, па за медиумите изјави дека се чувствува како да припаѓа на многу држави.

Бендот Go_A ја претстави Украина со песната “Shum“ и го освоија петтото место.

Бендот „ The Roop “ ја претстави Литванија со песната „ Discoteque “ и заврши на осмото место.

Бугарија ја претстави пејачката Викторија со песната „Growing Up is Getting Old“ и заврши на 11-тото место.

Бендот „Blind Channel“ со песната „Dark Side“ ја претстави Финска и заврши на шестото место.

Германците исто така директно се пласираа во финалето. Настапија со песната „ I Don’t Feel Hate “ која што ја пееше Јендрик и завршија на претпоследното место.

Молдавија ја претстави Наталија Гордиенко со песната „SUGAR“ и заврши ја 13 место.

Шпанците кои настапија 13-ти по ред исто така влегоа директно во финалето. Ги претстави Блас Канто со песната „Voy A Querdarme“. и заврши на 24 место.

Исланѓаните од бендот „Da∂i og Gagnamagni∂“ не можеа да настапат во финалето затоа што еден од членовите беше позитивен на Ковид-19. Организацијата наместо тоа ја прикажаа снимката од нивната изведба на песната „10 Years“. Тие на крајот завршија на четвртото место.

Претставникот од Швајцарија Гјорн Тирс ја изведе песната Tout l’Univers и на крајот заврши на третото место.

Грција оваа година ја престави 18 годишната Стефанија со песната „Last Dance“ со која заврши на десеттото место.

Велика Британија помина директно во финалето, а ги претстави Џемс Њуман со песната „Embers“. Тие завршија како најголеми губитници на Евровизија, Не освоија ниту еден поен и од жирито ни од публиката.

Српскиот бенд „Hurricane“ се претстави со песната „Loco Loco“ и завршија на 15-тото место.

Португалија ја претстави „The Black Mamba“ со песната „Love Is On My Side“ и заврши на 12-тото место.

Една од фаворитките за победа беше и „Destiny“ што ја претстави Малта со песната „Je Me Casse“. Таа заврши седма.

Пејачката Манижа со песната „Russian Woman“ ја претстави Русија и заврши на деветтото место.

Бендот „Hooverphonic“ ја претстави Белгија со песната „The Wrong Place“ со која завршија на 19-тото место.

Иден Ален го претстави Израел со песната „Set Me Free“ и заврши на 17-тото место.

Анџела Перистери ја претстави Албанија со песната „Karma“. Таа заврши на 21-то место.

Кипар го претставуваше Елена Тсагриноу со песната „ El Diablo “ и заврши на 16-тото место.

Инаку, за музичкиот трон на Европа вкупно се натпреваруваа претставници од 41 земји. И двете полуфинални вечери дадоа по тринаесет финалисти кои во синоќешната завршница им се придружија претставниците на земјите од Големата петорка – Франција, Германија, Италија, Шпанија, Велика Британија и земјата домаќин, Холандија.