Честитки пристигаат од сите страни, Џамбо објави преубави вести – познатиот трубач го прогласија за крал на ромската музика
Македонскиот оркестар Агушеви не е познат само на Балканот, туку и во целиот свет.
Музичките почетоци на оркестарот Агушеви датираат од 90 – тите години на минатиот век кога биле поставени корените на првичниот состав на Агушеви, за пред неколку години, младиот и талентиран Џамбо Агушев, да застане на чело на оркестарот со кој патува низ целиот свет.
Тој со право ја нои титулата крал на трубата, а овие денови во Бугарија, на една манифестација по повод денот на Ромите, од страна на организаторите му беше врачена една од најголемата награда „Крал на ромската музика“.
Имено, деновиве на социјалните мрежи пријателите и фановите му честитаат за наградата што Џамбо ја освои неодамна во Бугарија, на 50 годишниот јубилеј од манифестацијата „Ден на Ромите“.
На истата манифестација истата награда и беше врачена и на неговата сакана колешка Роксана, кралицата на Бугарската музика.
Џамбо на социјалните мрежи напиша дека му е голема чест и задоволство што ја свои оваа престижна награда и се заблагодари до Министерството за култура и организаторите кои стојат зад настанот.
Инаку, Џамбо е еден од нашите најдобри музичари и е познат во целиот свет, но славата воопшто не влијаела на него.
Тој е еден од омилените ликови како кај нас, така и во целиот регион, а важи и за одговорен и грижлив татко.
Татко на три ќерки
Неговото вистинско име е Исеин, а прекарот го има добиено од Ферус Мустафов кога имал 11 години.
Имено, легендарниот македонски саксофонист Ферус Мустафов му велел дека е брз како џамбо-џет кога го слушнал прв пат како свири.
Џамбо својата сопруга Анеса ќе ја запознае на еден концерт во Германија и денес тие се повеќе од 10 години во брак и имаат три деца.
„Секогаш се молев да ја најдам вистинската љубов и моментот кога прв пат те видов, сфатив дека ми се исполни желбата. Годините никогаш не ги смениле моите чувства кон тебе. Мојата среќа се зголеми со зближување и од твоја страна и ќе продолжи да се зголемува секоја година. Среќна годишнина од свадбата, мојата драга сопруга, убавата мајка на моите деца. Многу те сакам!“- ќе напише Џамбо за својата поубава половина на денот на нивната годишнина.
Џамбо и Агнеса во септември минатата година ја добија ќерката Мелинам, а веста на социјалните мрежи ја објави среќниот татко. „Фала му на Бога, мојата ќерка Мелинам се роди. Добре дојде во нашето семејство, моја убава ќерко!“, напиша тогаш Џамбо.
Покрај Мелинам, тие ги имаат и ќерката Севги и синот Мерт, со кои Џамбо ужива да го поминува времето.
Фото: Фејсбук/ Џамбо Агушев
Фото: Фејсбук/ Џамбо Агушев
Фото: Фејсбук/ Џамбо Агушев
Фото: Фејсбук/ Џамбо Агушев
Фото: Фејсбук/ Џамбо Агушев
Фото: Фејсбук/ Џамбо Агушев
Фото: Фејсбук/ Џамбо Агушев
