Богати се оние кои не очекуваат премногу од другите, кои живеат во моментот и со леснотија го прифаќаат она што им го дарува животот.
Најбогати се оние личности кои се грижат за другите и кои сочувствуваат со нив. Тие брзо ја препознаваат нечија емоционална состојба, па тогаш се нежни, отворени и љубезни, а истовремено се способни да се заштитат од каква било негативна енергија.
Најубавите луѓе се смеат гласно, дури и во ситуации кога не се подготвени да најдат некое решение, тие гледаат позитивно и со чисто срце го прифаќаат моментот којшто доаѓа. Духовно богатите личности не се кријат од емоциите и од љубовта. Тие се отворени и кон другите, но и кон себе, кон природата, кон животните, кон животот. Тие знаат да слушаат. Слушањето не е само тишина кога некој друг зборува. Треба да се биде во состојба луѓето да ги гледаме во очи, да ги почувствуваме и да се обидеме да ги разбереме на нивно ниво.
Богатите личности не знаат за граници. Живеат за своето семејство и се поврзани со него. Крвта овде нема никаква улога. Свесни се колку им се потребни тие блиски личности и сфаќаат дека секоја ситуација, добра или лоша, е можност за поголем раст. Овие личности се доволно паметни да ја сфатат силата на своите одлуки и да преземат одговорност за своите постапки.
Силните личности знаат да подадат рака на секој на кој му е потребна. Тие даруваат несебично, зашто знаат дека со секое давање, тие се полнат себеси, својата душа и своето срце!
