Епидемиолозите советуваат: Дали е дозволено да одиме на прошетка додека трае коронавирусот?

Борбата против вирусот корона го зафати целиот свет.

Ние се соочуваме со еден од најтешките предизвици и во нашата земја е прогласена вонредна состојба за да се спречи ширењето на вирусот.

Во овие тешки околности се поставува прашањето дали треба да одиме и да трчаме во природа.Физичката активност на отворено е пожелна затоа што помага да се одржи менталното здравје исто толку важно како и физичкото, особено во оваа вонредна состојба.

Одење или трчање во парк или шума ни помага да го расчистиме умот, што е многу важно во овие тешки околности со кои се соочуваме. Но, многу е важно да се придржуваме до упатствата на лекарите и на надлежните органи и да избегнуваме места каде има повеќе луѓе и да се задржи растојание од два метра.

“Значи, без оглед на мерките, сè додека го одржувате пропишаното растојание на отворено, дозволено е движење. Луѓето кои сакаат да го напуштат домот треба да направат обид да го задржат личниот простор”, изјави Керолин Ц. Кануски социјален епидемиолог во Центарот за јавно иницијативи за здравје при Универзитетот во Пенсилванија и додава:

Исто така, како што вели, треба да се избегнува запирање и разговор со сите соседи.”Ако има многу луѓе таму, прошетајте и излезете подоцна. Луѓето кои мораат да одат во аптека или храна и да забележат гужва во тие продавници можат да се вратат дома, а да купат подоцна”, советува Кануски.

“Ако не приоѓате на некого помалку од два метра, скоро не сте во опасност. Мислам дека луѓето треба да излезат на сонце. Прошетката на кучето или одењето во паркот се безбедни и неопходни се додека имате  растојание”, вели Кристал Вотсон, научник во Центарот за здравствена безбедност nsон Хопкинс.