Поради вонредната ситуација која не’ зафати, повеќето се приморани да седат дома по цел ден. Ако имате можност да работите од дома, тогаш времето ви е исполнето, но кога тоа не е изводливо, тогаш време е да се посветите на себе. Многу е важно да најдете преокупација која ќе ви ги одвлече мислите од коронавирусот и пандемијата.
Најлошото што можете да го направите е постојано да ги проверувате најновите вести за заразените, нервозно да ги прелистувате новостите на социјалните мрежи и да зборувате за вирусот со вашите домашни. За да си го отстраните вниманието од сето ова, ви го предлагаме следово:
- Најдете хоби кое ви одговара: плетење, везење, шиење, правење работи (Велигден е пред нас, направете украсни торбички, држачи за салфети…)
- Читајте книги – најверојатно дома имате неколку книги кои до сега не сте имале време да ги прочитате. Сега е вистинското време за тоа.
- Играјте друштвени игри: карти, не лути се човече, шах…
- Темелно исчистете го вашиот дом. Пролетното чистење е добра прилика за да ги уништите сите вируси во станот.
- Пресадете ги собните цвеќиња.
- Најдете старо цд со слики, прелистете ги и потсетете се на добрите стари времиња.
За оние кои живеат во куќа, изолацијата нема да им дојде толку тешко
За оние луѓе кои живеат во куќи и имаат дворови, изолацијата нема да им падне толку тешко. Бидејќи пролетта речиси стигна, сите кои сакаат да ги уредат своите дворови тоа можат да го направат сега. Забавувајте се и така што ќе создадете мини градина, во која ќе засадите лук, магдонос, моркови, зачински билки…
Садењето цвбеќе секогаш е добра активност и на оние кои се занимаваат со неа им дарува исполнетост и ослободување од стресот. Бидете одговорни и останете дома. Дружењето со пријателите и соседите оставете го за некое помирно време. Исто така не заборавајте на солидарноста и ако сте во можност помогнете им на своите постари сограѓани.
