Црвениот кромид е незаменлив во исхраната и содржи многу користи состојки, при што е особено делотворен кај одредени здравствени тегоби.
Пред се’ се покажал ефикасен во спречувањто атеросклероза. За да се постигне посакуваниот ефект, би требало да консумирате сразмерна мешавина на сок од црвен кромид и мед, односно, колку сок толку и мед. Мешавината треба да ја консумирате секој ден, три до четири лажички, додека не почувствувате подобрување. Вака подготвениот црвен кромид е добар и против кашлица, а за иста цел се користи и црвениот кромид печен на маслиново масло или варен во млеко.
Свежиот сок е делотворен кај испирирање на воспалената слузокожа на усната шуплина и носот, како и за инхалација на синусите. Сокот се користи и за зајакнување на коренот на косата, така што се втрива во коренот на влакното.
Црвениот кромид исто така е корисен и за поттикнување на апетитот, а покрај тоа го забрзува и го регулира варењето, а ги отстранува и пречките во варењето, како што е на пример запекот или подуеноста. Користа на црвениот кромид се забележува и при работата на буберзите, така што пмага при нивно воспаление и воспаление на мочниот меур.
Најпозитивен ефект на вкупното здравје црвениот кромид постигнува во сирова состојба, додека пак дејството со пржењето и варењето му се намалува. Затоа, треба да го консумирате свеж, како задолжителна состојка на разни салати.
