Секоја личност си има свои предности и мани. Сите знаеме да уживаме во доблестите на нашите блиски, но малку потешко е да се справиме со незгодните карактеристики. А тие се многу изразени и кај Близнаците.
Тие сакаат да се прикажат како силни и храбри личности, а пред другите оставаат впечаток дека се незгодни. Бидејќи се ранливи, се трудат на секаков начин да се заштитат и да се покажат во храбро светло, па понекогаш е тешко да се биде покрај нив. Несигурни се и нервозни, а тоа го покажуваат и пред другите, при што малку ги заплашуваат. Сакаат луѓето околу нив да чувствуваат одредена доза притисок и да им дадат до знаење дека тие се шефови.
Кога Близнаците се во улога на шефови, тие извршуваат многу работи одеднаш, даваат наредби, разговараат на телефон и слично. Сакаат интелигентни личности, а иако понекогаш знаат да бидат голем период расположени и ведри, сепак, почесто се намуртени и завидливи, при што оставаат впечаток дека другите треба да се плашат од нив.
Кај Близнаците е присутна честа промена на расположението, при што нема да знаете како да се однесувате со нив. Нивната љубопитност ги носи далеку, а многу често се актуелни во нивното друштво. Секогаш сакаат се’ да слушнат и се’ да видат, а нивната голема фантазија ги води далеку. Како и да е, иако знаат да бидат незгодни, мора да признаеме дека дружењето со Близнаците секогаш може да биде и интересно!
