Облеката ви се стесни со перењето? Не грижете се, овој трик ќе ви помогне да ја вратите во поранешната состојба

На сите ни се има случени после перењето да ни се стесни некое парче облека. Сигурно во тие моменти сте биле многу изнервирани. Но, не грижете се, со овој трик облеката ќе си ја вратите во првобитната состојба. Се’ што ви треба е шампон за бебе, а еве што треба да направите.

Наполнете некој сад со млака вода и додајте малку шампон за бебе. Причекајте облеката да го впие шампонот, а потоа нежно истријте. Така ќе ги омекнете влакната на облеката. Потоа, исцдете ја водата, но не плакнете. Ставете го парчето облека на поголем пешкир. Замотајте го пешкирот со облеката и на тој начин ќе ја впие влагата. Облеката ќе ви биде влажна, но не и мокра. Лесно ставете ја да се суши. Повторете ги чекорите додека не забележите дека облеката повторно е во првобитната големина.