Полека ни се приближува еден од најубавите христијански празници во годината – Божиќ.
Постои некоја посебна магија во овој период. Подароци, топла семејна атмосфера, хармонија, семејни дружења…Оваа е прекрасна сезона кога можете да ги создадете најубавите спомени со вашите сакани. Најважно е да научите да го цените најголемото богатство во вашиот живот, а тоа е вашето семејство.
Богатата семејна трпеза не може да ја замени ништо на светот. Тие собири, дружења и смеења остануваат засекогаш врежани во нашето срце.На овој голем ден се оди во црква, каде што рано наутро почнува Богослужбата. Исто така, со Божик е поврзана и поговорката:
„Пред Божик, зад Божик дома да си“, што има значење дека за време на Големиот празник треба да се биде дома во кругот на семејството и тука да се слушне и да се прослави радосната вест за раѓањето на Спасителот.
