Дискретната Девица не сака да открива колку време троши на нејзиниот изглед и колку навистина се грижи за себе. Најомилени ѝ се земјените бои како што се сивата, жолто-кафеавата и морнарската сина. Нејзината гардероба изобилува со практични и елегантни парчиња облека.
Девицата е секогаш тука да помогне. Таа ќе биде присутна на секој важен настан во животот на нејзините пријатели. Освен тоа, никогаш не ги заборава родендените на луѓето кои ѝ значат. Благодарение на нејзината критичка и практична природа, секогаш знае да даде одличен совет, но само кога некој ќе го побара тоа од неа, бидејќи не сака своеволно да се плетка во туѓите проблеми. Доколку сакате да ѝ се заблагодарите поради нешто, бидете дискретни.
Таа е лојален пријател на кого секогаш можете да сметате. Обожава планирани рутини. Слободното време сака да го поминува во долги прошетки во природа. Никогаш не доцни, а доколку ви делува ладна и отсутна, знајте дека таа е само срамежлива и неодлучна.
