Меган Маркл со солзи на очите зборуваше за притисокот што го има поради постојаните критики од јавноста
Не и е лесно
Војвотката од Сасекс откако стана дел од британското кралско семејство постојано е под лупата на медиумите и јавноста. Тие ја следат во секој чекор, а не ретко била и на удар на критиките поради најразлични работи.
Од тоа како се однесува, па се до облеката што ја носи. Но досега никогаш не сме слушнале од неа како се чувствува таа поради притисокот што го има.
Па така откако нејзиниот сопруг принцот Хари прозборе во јавноста во врска со нејзиното постојано напаѓање, и поранешната 38 годишна актерка конечно се отвори и ја раскажа својата страна на приказната.
„ИТВ“ откри дел од документарниот филм кој ќе прикаже еден период од нивниот живот, а прв пат ќе биде прикажан во „Обединетото Кралство“.
„Било која жена кога е бремена е многу ранлива па навистина беше тешко. Посебно кога само што ќе го добиете бебето, посебно ако сте жена. Кога ќе го додадеме притисокот на тоа што се обидувате да бидете нова мама или само што сте се омажиле“, изјави Меган а потоа додаде
„Ви благодарам на прашањето бидејќи не ме прашале многумина дали сум добро“. Таа на крај на новинарот и му призна дека не и е добро.
