Минута пред венчавката животот му стана пекол – младоженецот ја чекаше бремената невеста пред олтарот, но следуваше шок
Бремената невеста не успеа да го доживее својот најубав ден во животот бидејќи само неколку минути пред да застане пред олтарот и да го изговори своето судбинско „да“ доживеа мозочен удар. Таа зад себе го остави тажниот свршеник и бебето што беше породено со царски рез.
Медицинската сестра Џесика Гуедес од Бразил беше во шестиот месец од бременоста и на изглед потполно здрава кога во еден момент почна да се чувствува лошо во лимузината на патот кон Сао Пауло во неделата. Нејзиното семејство прво помисли дека има мачнини поради церемонијата бидејќи се пожалила од вртоглавица и болки во вратот.
Но тие не беа свесни дека боледува од прееклампсија, која ќе и го одземе животот набргу откако стигнала во болницата.
Нејзиниот свршеник, пожарникарот Флавио Гонкалвез кој ја чекаше на олтарот беше изненаден заради доцнењето. Но во просторијата тогаш дошла нејзината роднина барајќи помош бидејќи на невестата и се слошило во автомобилот. Потоа докторите ги соопштија трагичните вести само неколку часа откако беше примена во болницата.
Бев загрижен бидејќи ја чекав кај олтарот и долго време ја немаше. Тогаш дотрча една нејзина роднина и ми кажа дека се онесвестила, изјави несудениот младоженец за бразилскиот магазин „Crescer“.
„Кога ја отворив вратата од автомобилот, таа лежеше, но и се врати свеста и зборуваше со мене и кажав: ‘Драга, тука сум’“, вели Флавио кој на својата свршеница и пружил прва помош. Таа му кажала дека е се во ред, но и дека има силни болки во грбот и вратот. Тој ја извадил од лимузината побарал помош од своите пријатели пожарникари кои биле таму како гости.
Девојката веднаш беше однесена во болница, а потоа според лекарскиот извештај доживеала мозочен удар поради прееклампсија и внатрешно крварење, па хирурзите мораа да и ја отстранат матката.
Медицинскиот тим одлучи да направи итен царски рез за да го спаси животот на бебето и младата мајка, но таа не ја издржа операцијата.
Софија беше родена со 930 грама и 34 сантиметри, а во билница ќе остане барем два месеци.
