Познатата манекенка по големата животна трагедија остана бремена и тоа во петтата деценија од животот

Една од најубавите жени на светот, Петра Немцова (40) која по потекло е од Чешка наскоро ќе стане мајка.

Познатата убавица објави фотографија на Инстаграм на која се гледа како со насмевка на лицето позира покрај базенот, држејќи се за стомакот.

Под фотографијата напиша: „Нашето семејство се шири, а и мојот стомак. Толку сум му благодарна на универзумот што толку брзо не израдува со божествен подарок“, истакна манекенката и додаде дека ја фотографирал идниот татко, за кого веќе изјави дека е најдобриот татко на светот.

Петра на почетокот на август се омажи за бизнисменот Бенџамин Лареч со кого е во врска од минатата година и со кого ја пронајде својата среќа откако пред неколку години и се случи големата животна трагедија.

Да потсетиме, познатата манекенка доживеа голема трагедија кога во 2004 година преживеа цунами. Немцова тогаш заедно со својот вереник, фотографот Сајмон Атилија, беше на одмор во Тајланд, кој тогаш загина.

Тој го изгуби животот давејќи се, а неговото тело беше пронајдено дури четири месеци подоцна. Манекенката со скршена карлица некако успеа да преживее, држејќи се за палма се додека не ја забележал хеликоптер кој и помогнал да се извлече во последниот момент.