Пејачката остана во шок кога ја виде
„Ќе ми паднеше мобилниот! Како е можно ова?!“, напиша Ријана на Инстаграм под фотографија на која е преслатко девојче која неверојатно личи на познатата пејачка поради што преку ноќ стана хит во целиот свет.
И откако нејзините фанови на Инстаграм ја видоа фотографијата на девојчето кое личи на неа, таа ја сподели на својот профил на социјалните мрежи. Следуваа зачудувачки реакции и од бројни познати лица, како на пример индиската актерка Пријанка Чопра и австралиската манекенка Миранда Кер, додека американскиот супермодел и телевизиско лице Тајра Банкс ги замоли фановите да го идентификуваат девојчето како би и понудиле моден договор.
Некои помислија дека е во прашање „бејби“ филтерот на „Снапчет“, но потоа се дозна дека во прашање е шестгодишно девојче чии фотографии на Инстаграм најпрво ги има објавено неговата мајка.
Поради огромниот интерес за девојчето неговата мајка решила да отвори и нејзин сопствен профил кој за многу кратко време достигна цифра од преку дваесет илјади фанови.
