Карлеуша со провокативно издание направи хаос на Инстаграм
Пејачката не престанува да прави дармар на социјалните мрежи со својот провокативен изглед.
Овој пат во прашање е жешко издание со краток сребрен фустан, додека акцентот е на нејзиното бујно деколте кое никого не остави рамнодушен.
Познатата пејачка доби бројни комплименти и лајкови на сметка на својот феноменален изглед.
Само да потсетиме, Карлеуша неодамна се најде во центарот на вниманието поради приватните фотографии што завршија во медиумите, а ги објави фудбалерот Огњан Врањеш. По ова следуваше тужба од нејзина страна, но и Врањеш реши да не седи со скрстени раце и да ја тужи пејачката – тој наводно побарал оштета од два милиони динари.
Во кривичната пријава, а како што пренесоа српските медиуми, Врањеш изјавил дека пејачката му се заканувала и јавно го навредувала преку социјални мрежи, а исто така изјавил дека неговата безбедност е загрозена.
„Јавноста е свесна дека во претходниот период нашиот клиент Огњен Врањеш доживеа низа навреди и закани од Јелена Карлеуша, поради што бевме принудени да поднесеме тужба за надомест на нематеријална штета поради повреда на честа и угледот, кривична пријава за кривично дело загрозување на безбедноста, како и приватна кривична пријава за прекршок “, пишуваше во соопштението на неговите адвокати.
