Зборување на телефон, спиење на една страна: Неколку работи од кои мора да се откажете за да имате убава и блескава кожа

Сигурно веќе знаете дека за да имате убава кожа, потребно е да пиете многу вода, да користите хидратантен крем, да се храните здраво и да ја отстранувате шминката пред спиење. Но, за лицето да ви биде негувано и блескаво, а и за да изгледате помладо, потребно е да се откажете од некои лоши навики, а еве дел од нив.

Прескокнување на заштитниот фактор

Направете си услуга себеси и престанете да го игнорирате овој совет! Секојдневното користење крем со заштитен фактор ќе ви помогне да ја одбраните кожата од штетното влијание на сончевите зраци.

Зборување на телефон

Најдобро би било да користите слушалки, или пак секојдневно да го бришите екранот со антибактериски влажни марамици.

Спиење на едната страна

Начинот на кој спиете влијае на појавата на брчки. Ако ја забивате главата во перницата, побрзо ќе ги добиете. Најдобро е да спиете на грб, но тоа може да биде тешка навика за некој, па ако не ви е удобно вака, обидете се барем секоја вечер да ја менувате страната на телото на која ќе заспивате, па барем малку ќе си помогнете да ги одложите брчките.

Груб пилинг на лицето

Пилингот е неизбежен чекор за постигнување убава и блескава кожа, но со премногу грубото триење ќе постигнете сосема спротивен ефект и ќе ја иритирате кожата.