Мел Би ја шокираше јавноста: Имав секс со колешка од „Спајс грлс“

Мел Би ја шокираше јавноста кога откри дека спиела со својата колешка Гери Хорнер во текот на нивната најголема слава во деведесеттите, па поради тоа нема сомнеж дека турнејата по повод враќањето на @Spice Girls” ќе биде загрозена.

Во шоуто “Piers Morgan’s Life Stories”, Мелани ги коментирала градите на колешката од групата, нарекувајќи ги одлични и опишала како дошло до таквиот однос, пренесува “Daily Mail”.

„Бевме најдобри пријателки и едноставно се случи. Се насмевнавме и тоа беше тоа”, изјавила Мел Би.

Сомнителните детали од нивната страст веќе привлекоа големо внимание и наводно го разлутиле сопругот на Гери, Кристијан Хорнер.

„Гери ќе ме мрази поради тоа бидејќи таа е во својата отмена селска куќа со сопругот, но тоа е факт”, додала Мел. Потоа, водителот Пирс Морган ја прашал поранешната спајсица колку често имале секс, а таа на шега го нарекла „перверзник”.

„Ова е изненадување. Никогаш не си го признала ова, зарем не? Луѓето ќе бидат фасцинирани”, ѝ рекол Пирс.

„Ќе ме убие и таа и нејзиниот сопруг. Се надевам дека кога некој ќе ја праша Гери за тоа, нема да се лути и демантира туку ќе признае бидејќи тоа е смешна работа”, додала пејачката.

„Таа е преубава во природа, има убави гради и добар задник“, изјави Мел Б.