Кејт Мидлтон изгледа потполно идентично во овој капут што го носеше и пред пет години, пред да ги роди Шарлот и Луис

Војвотката од Кембриџ уште еднаш успеа да нè воодушеви носејќи стари парчиња.

Имено, Кејт Мидлтон на прославата на Денот на Комонвелтот во канадската амбасада во Лондон, се појави во изданието што последен (и прв) пат го „фураше“ пред пет години, за време на официјалната посета на Нов Зеланд.

Во прашање е прекрасен црвен капут со потписот на Кетрин Вокер кој Кејт го комбинираше со шапка во иста боја и со сива шик плико чанта и салонки.

Капутот во страсна црвена боја беше вистинско освежување од зелените изданија кои ги зареди во последно време, но и доказ дека црвената боја и стои одлично.

Сепак, мораме да признаеме дека од последниот пат кога го носеше овој  прекрасен капут, Кејт успеа да ја задржи својата витка линија иако во меѓувреме роди уште две деца – принцезата Шарлот и принцот Луис.