Научниците открија дека пиењето кафе за време на бременост влијае на големината на бебето

Во зависност од истражувањата, препорачаната дневна доза на кофеин во бременоста е помала од 200 милиграми.

Сепак, дури и ако консумирате помалку кофеин од оваа количина, би можело да имате негативни последици за вашето дете.

Научниците од Универзитетот во Даблин се собраа во едно заедничко истражување и под водство на лекарот Линг-Веи Чен проучувале 941 мајки родилки и нивните новороденчиња. Тие дошле до заклучок дека кофеинот го ограничува протокот на крв во плацентата, што резултира со пониска телесна тежина кај децата или предвремено породување.

Како што наведуваат во резултатите од истражувањето, поради дополнителната половина чаша кафе, консумирана секојдневно во првите три месеца од бременоста, тежината на бебето при породувањето е намалена за 72 грама.

Покрај тоа, децата се родени и со помала должина и волумен на главата. „Ние би им препорачале на жените кои се бремени или се обидуваат да забременат барем да го ограничат внесувањето на кафе, но и на чај со теин”, изјави докторот Чен за новинската агенција Ројтерс.