Љубовта не ја сочинуваат бакнежите, страсните ноќи, скапите подароци.
Љубовта е нешто повеќе од тоа. Таа е взаемна почит, разбирање и прифаќање на вистинските личности. Разбирање на маните кои понекогаш може „да ве полудуваат“, прифаќање на различноста, негување на почитта. Страста е минлива. Можеби ќе трае со години, но времето ќе ја намалува и еден ден ќе ја избрише. Затоа, не споредувајте ја со љубовта.
Љубовта е збор со длабоко значење. Љубовта е непроспиената ноќ поради дискутирањето за идните планови, љубовта е заедничкото испиено кафе наутро, љубовта е карањето поради банални секојдневни работи, кои завршуваат со компромис.
Љубовта е подареното внимание, грижа и нега. Почитта која ја пружите кон вашиот партнер е доказ за вашата големина. Скапите подароци ќе ја изгубат својата вредност, но добриот збор и добриот гест ќе останат засекогаш врежани во срцето.
