Сите состојки ги имате во вашата кујна: Еве како да го исчистите овошјето и зеленчукот од пестициди
Денес е навистина тешко да се најдат здрави намирници, затоа што овошјето и зеленчукот кои наводно се здрави, исто така се третирани со различни отрови и пестициди.
Меѓу зеленчуците кои содржат најмногу пестициди се спанаќот, целерот, доматите и пиперките, а зелката, лукот и модриот патлиџан се наоѓаат на дното на оваа листа. Денес ви предлагаме како да го решите овој проблем со наталожените токсини.
Во голем сад ставете млака вода и додајте две лажички сол. Кога ќе се стопи, во садот ставете ги намирниците. Потопете ги и оставете ги да стојат околу 15 минути. Оваа метода е идеална за зелениот лиснат зеленчук како блитва, спанаќ и зелка, брокула и карфиол, но не и за печурки, зашто ќе впијат вода.
За успешно отстранување на пестицидите и хербицидите, исто така корисна е и комбинацијата на лимон, оцет и сода бикарбона. Помешајте ги овие состојки и ставете ги во шишенце со распрскувач. Испрскајте ги намирниците, па измијте ги после околу 10-тина минути.
Ако јаболките се премачкани со восок за да им се продолжи рокот на траење, не е доволно само нивно измивање. Излупете ги поради опасности од микроорганизми кои се сокриваат под лушпата.
