Не треба да ми ги ветуваш ѕвездите, доволно е да ме почитуваш онаква каква што сум
Не сакам да ми ги ветуваш ѕвездите. Не сакам скапи подароци ниту луксузна облека. Не треба да ми ја докажуваш твојата сила и да ја мериш твојата љубов со материјалните работи.
Сакам само да ме почитуваш и да ме сакаш онаква каква што сум. Да се обидеш да ја разбереш мојата немирна природа и да сакаш да останеш со мене до крајот на мојот живот. Сакам да растеме и да созреваме заедно, да бидеме едно цело. Јас да бидам ти, а ти да бидеш јас. Сакам да се будам покрај тебе и да знам дека сум сигурна. Во твоите очи сакам да ја гледам мојата иднина, а твоите раце да ми бидат утеха и поддршка кога најмногу ќе ми треба.
Не треба да ми покажуваш лажни делови од себе, ниту пак да се преправаш нешто што не си. Покажи ми ја својата вистинска личност и дозволи ми да те сакам онаков каков што си, со сите твои мани и доблести, со сите твои предности и недостатоци. Ништо повеќе не ми вреди од можноста ние да сме заедно и да градиме заедничка иднина.
Затоа, не ветувај ми ја месечината и ѕвездите, туку дозволи ми да допрам до твоите очи – поубави од ѕвездите и до твоето срце – посјајно од месечината!
