Девојката на Дарко Лазиќ го посети во болницата – само месец дена пред несреќата пејачот и купи свршенички прстен од 15 илјади евра

Девојката на Дарко Лазиќ секојдневно доаѓа во болницата во која лекарите вчера по шест дена од тешката сообраќајна несреќа, успеаја да го разбудат од кома.

Познатиот пејач штом се разбуди од вештачката кома можеше да ги види родителите и поранешната сопруга, но барал во собата веднаш да влезе и Марина, неговата девојка како што пренесува српскиот Курир.

Марина Гагиќ срцето на Дарко го освои за кратко време, а само по неколку месеци врска тие решија и да почнат да живеат заедно. Таа сега не се одвојува од неговите родители со кои живееше и пред да се случи сообраќајната несреќа кога пејачот четири пати се преврти со своето БМВ.

„Сакам да можам сега на Дарко да му кажам дека го сакам најмногу на целиот свет, и дека ќе бидам покрај него до крај“, изјави таа пред неколку дена. Таа и Дарко се свршија по половина година врска, а пејачот за неа купи и свршенички прстен за кој не штедеше воопшто.

https://www.youtube.com/watch?v=V-c_ThlpKy4

„Убаво ни е, уживаме. Се ни оди лежерно, не се брзаме и брак се уште не планираме. Најмногу ми се допаѓа што е нормална, сосема обична девојка. Ми одговара токму таква каква што е и искрено да ви кажам, таа е девојката што ја барав цел свој живот“, изјави Дарко пред месец дена.