Оваа невеста има необично барање, поради што никој не сака да ѝ сошие венчаница

Секоја невеста знае колку е тешко да се пронајде венчаницата од соништата, но за една Британка тоа е навистина невозможна мисија.

Иако точно знае каков фустан сака и за оној кој ќе ѝ ја сошие спремна е да плати дури 15 илјади фунти, сите ја одбиваат поради едно бизарно барање. Проблемот е во тоа што таа сака на венчаницата да биде сошиена косата на нејзината покојна мајка. Невестата нацртала како сака да изгледа фустанот, според примерот на венчаницата на нејзината мајка.

„Мојата мајка умре неодамна и би сакала на овој начин да ѝ оддадам почит. Во 2014 година дознав дека е тешко болна и почнав да ја собирам нејзината коса. Од почетокот не знаев што ќе правам со неа, но сега ѝ ја пронајдов целта“, напишала невестата.

Колку и да е бизарна нејзината идеја, мора да се согласите и дека е многу емотивна и тажна, па се надеваме дека некој наскоро ќе ѝ ја исполни желбата.