Новите трендови полека го заземаат своето место
Пред нас е нова сезона, а доколку сакаме да бидеме подготвени за неа треба на време да ги преуредиме нашите плакари. Најдобро е да почнеме од чевлите, односно да ги вратиме во игра моделите што во летниот период не ги носевме, или едноставно да ја подновиме нашата колекција со еден или два нови модели. Новите парчиња што секојдневно пристигнуваат во продавниците веќе не поттикна да размислуваме за новите трендови што ќе ги „фураме“ оваа есен.
Па од на што досега можевме да го видиме, а и да го прочитаме од модните магазини, неколку трендови ќе ја одбележат есенските денови, а ние во продолжение ќе ви ги претставиме најпопуларните.
Животински дезени
Оваа есен голем хит се животинските дезени, а меѓу нив посебно безвремените леопард шари кои ќе ги гледаме насекаде, па и на чевлите. Тие и на наједноставните комбинации им даваат доза на префинетост и елеганција, дури и кога ги носите со фармерки и обична маица.
Aquazzura
Aquazzura
Gianvito Rossi
Loewe
Saint Laurent
Лакирани
Оваа есен и зима во мода се секси лакирани чизми или салонки. Но имајте на ум дека лакираната кожа може да биде малку „тешка“ и да делува премногу нападно, особено ако не внимавате со какви модни парчиња ќе ја комбинирате.
Alexandre Vauthier
Ellery
Giuseppe Zanotti
Paul Andrew
Paul Andrew
Ретро салонки
Овие модели ќе ве освојат на прв поглед. Наместо опасните високи потпетици оваа есен изберете модели со затворени преден дел и пониски „kitten“ потпетици.
Gianvito Rossi
Jil Sander
Mercedes Castillo
Zara
Каубојки
„Каубојките“ се модел кој дефинитивно треба да го има секоја дама во своите плакари
Chloe
Ganni
Zara
Zara
Грди, робусни патики
Она што во претходните сезони беа патиките Стен Смит од Адидас, сега се робусните гумени модели со подебел ѓон и предимензиониран изглед. И покрај тоа што овие патики изгледаат поприлично грдо и неженствено, познатите трендсетерки се луди по него и само прашање на време е кога овој тренд ќе стигне и на нашите улици.
Balenciaga
Nike M2K
Stella McCartney
Zara
Војнички чизми
„Војничките“ чизми беа популарни и минатата година, но ќе бидат голем хит и во следните неколку месеци. Според Елизабет вон дер Голц директорката задолжена за глобалната трговија во популарната веб продавница Net-a-porter, „combat“ чизмите и оваа сезона ќе бидат межу најбараните модели, а покрај тоа што можете да ги нсите со фармерки и панталони, одлично стојат и со романтични фустани.
Тие даваат моќен изглед на секој стајлинг и со нив, за разлика од моделите со високи потпетици, многу полесно ќе се движите во зимскиот период, а беа вистински хит и во летните месеци, односно на фестивалот Коачела.
Alexander McQueen
Balmain
Gucci
Gucci
Zara
Dr. Martens Jadon
Jade Refined Combat Boot
