Боите на летното зајдисонце се хит и изгледаат посебно и единствено, а институтот Пантон за ова лето токму комбинацијата од црвена, жолта, пурпурна и виолетова ја опиша како една од најпопуланите.
Овие бои беа инспирација и за италијански моден дизајнер Масимо Џорџети кој актуелната колекција за MSGM ја претстави на зајдисонце плажа во родниот Римини. Главните мотиви во колекцијата, дезените на кошулите, фустаните, здолништата и костимите за капење се токму боите што се појавуваат при заоѓањето на сонцето со визури на градот и сенки од палми во позадина.
Варијациите на оваа тема се многубројни – можете да ги носите на едно парче дезенирано со овие бои кои потсетуваат на популарните хавајски кошули кои веќе со децении се летен класик или да направете комбинација од повеќе модели во различни нијанси во една комбинација. Во тренд се дезените кои се нијансирани како вечерно небо, а модерно е и да комбинирате и бои според едно парче.
Но најчесто за да не настане премногу хаотичен изглед обидете се да доминира само една боја, додека останатите треба да бидат само како придружба преку модните додатоци како што се чевлите, очилата за сонце и чантите.
MSGM
Но нема да погрешат и оние што ќе одлучат да „фураат“ само една боја од глава до пети и со ваквите монохроматски изданија ќе изгледаат потполно шик.
MSGM
Повеќе модели погледнете во галеријата …
