Чудесна, непредвидлива, слободоумна, откачена, искрена, иновативна, оригинална… сето ова и уште многу повеќе ја опишува жената Водолија. Таа е интелигентна, женствена и нежна, но на свој посебен начин. Не обидувајте се да ѝ наметнете строги правила и не очекувајте од неа да го прави она што не ѝ е по волја.
Секогаш ги прави работите по свое и мрази кога другите се обидуваат да ѝ го диктираат темпото на живот. Таа е голем хуманитарец, секогаш спремна да помогне, без разлика дали станува збор за финансиска, емотивна или друг вид помош. Сака да напредува, но на одредени полиња, зашто во глобала не сака промеи. Многу е врзана за своето минато и спомените ги чува како најголемо богатство.
Вистинската независност на жената Водолија се согледува тогаш кога ќе влезете под нејзината површина и кога ќе ја запознаете малку подобро. Толку искреност и нежност тешко дека ќе пронајдете во кој било друг хороскопски знак. Ако не ве сака, јасно ќе ви го даде тоа до знаење, но ако ѝ се допаѓате, таа вредно ќе се труди да останете во добри односи, па на неа ќе можете да се потпрете во кое било време.
