Жената родена во овој знак е неодолива, суштество со неверојатна фантазија и уште поотровен јазик. Неа не ја интересираат обичните работи, туку од животот сака да го земе само она најдоброто!
Прво по што ќе ја забележите, се нејзините очи. Всушност, таа има поглед кој хипнотизира и кој мами „жртви“. Но, не можете да поминете толку лесно. Таа избира мажи кои ѝ одговараат во сите аспекти, или пак такви кои се посилни од неа, доколку тоа е возможно. Воопшто не се плаши да ги покаже своите најдлабоки очекувања и да ги открие најскриените желби на оној кој го сака, затоа што не ја интересира целиот свет, туку само оној кој само таа си го создава.
Доколку за својот партнер дознае нешто што не ѝ се допаѓа, тогаш нејзе нема да ѝ биде проблем во средина на играта под чаршафите да стане и да замине. Многу е посесивна и љубоморна, па на нејзиниот избраник не треба да му падне на памет да погледне друга жена, а не пак да помисли на нешто друго, затоа што таа смета дека треба да биде апсолутен владетел во срцето на оној што го сака. Многу е интуитивна и во состојба е да ги открие и најскриените делови од човековата душа, па често изгледа како да има некоја неверојатна моќ.
