Меган Маркл во „необичен“ фустан со потписот на еден од омилените брендови на Кејт Мидлтон
Меган Маркл на забавата на принцот Чарлс се појави во префинет фустан од британскиот бренд „Goat“ којшто го обожава и Кејт Мидлтон.
Иако Меган на забавата на принцот Чарлс на која што тој го прослави својот 70 роденден се појави во издание со кое многумина разочара, фустанот што го носеше сепак беше распродаден со брзина на светлината.
Во прашање е британскиот бренд што го обожава и Кејт Мидлтон, а зад кој стои дизајнерката Џејн Луис.
Кејт Мидлтон во фустан од „Goat“
Џејн на почетокот на својата кариера дизајнираше исклучиво парчиња од кашмир, но полека го ширеше својот бренд кој денес нуди разнобразна понуда од елегантни парчиња, но кои истовремено се лесни за носење.
Кејт Мидлтон во здолниште од „Goat“
Фустанот што го носеше војвотката од Сасекс и покрај неговата висока цена (околу 800 долари) беше распродаден за само неколку часа откако се појавија првите фотографии. За разлика од Меган, Кејт Мидлтон прв пат е забележана како носи парчиња од брендот „Goat“ пред четири години, а и за нејзината бременост често носеше безвременски креации на овој лондонски бренд.
Исиот го обожаваат и девојките како Викторија Бекам, Лана дел Реј, Сиена Милер и Гвинет Палтроу, но ниту една од нив не го прослави како убавата Меган на која модните критичари и налепија етикета на нова модна икона.
