Зошто новиот видео туторијал на Ријана предизвика милиони прегледи за неполни 24 часа?
Ријана е новото лице на Вог за мај 2018
По повод соработката со престижниот магазин Ријана во видео од десетина минути ги откри своите бјути тајни поради кои нејзината шминка секогаш изгледа беспрекорно. Ваквите кратки видеа не се новост за модната библија, бидејќи пред нивните камери веќе се имаат најдено бројни познати манекенки, актерки и пејачки.
Ријана одлично се снајде во новата улога, а пред камерите ги претстави своите „Fenty Beauty“ производи. Таа во шега спомна дека прв пат научила да го контурира лицето дури откако се здебелила бидејќи тогаш контурите и биле потребни. Исто така ни откри бјути трик кој сигурно ќе го пробаме – станува збор за загревање на коректорот во рацете пред да го нанесете на лицето. На тој начин подобро ги сокрива подочниците и се впива подобро во кожата. Видеото за помалку од 24 часа беше прегледано повеќе од три милиони пати.
