Поим за добар стил и елеганција: Шведската принцеза ни покажа како да носиме црно од глава до пети

Шведската принцеза Софија, поранешен модел и мајка на две деца, покрај својата убавина не воодушевува и со прекрасниот моден стил.

Убавата 33 годишна дама беше една од најелегантните гостинки на свечениот настан „UN Development Program“ (UNDP) кој деновиве се одржа во Стокхолм. Софија за оваа пригода избра опција со која никогаш не можете да погрешите – принцезата носеше црно од глава до пети кое го „разби“ со мала, шарена чанта и високи потпетици во впечатлива, тиркизна боја, притоа покажувајќи ни одлично издание со кое заслужи само пофални зборови.

Имено, сопругата на принцот Карл Филип одлучи да носи креација од домашна дизајнерка Ида Соштед составена од преубаво макси здолниште со висок струк и лежерен А крој од богато изработена црна ткаенина кое го носеше со тесен црн топ, со кроевите создавајќи интересен контраст.